Për individët me epilepsi Covid19 nuk është më i rrezikshëm se sa për të tjerët; vaksinimi është i këshillueshëm.
Produksioni: Liga Zvicerane e Epilepsisë 2021
Përgjigjet tona në pyetjet për njerëzit me epilepsi dhe familjarët e tyre mbi koronavirusin dhe sëmundjen Covid-19.
Sipas nivelit aktual të njohurive tona, nuk ekziston një rrezikim i shtuar i drejtpërdrejtë për një rrjedhë të rënduar të kësaj sëmundjeje vetëm për shkak të pranisë së një epilepsie. Ndryshon puna nëse i shtohen dhe sëmundje të tjera. Megjithatë duhet që të gjithë të mbrohen nga një infeksion dhe t’i ndjekin udhëzimet. Këto janë përkthyer tashmë në shumë gjuhë.
Kështu mbrohemi ne
Shumica e të prekurve nga epilepsia kanë një sistem imunitar normal, po qe se nuk janë dobësuar nga sëmundje apo nga trajtime të tjera. Barnat antiepileptikë medoemos duhen vazhduar të merren rregullisht.
Vetëm pak metoda trajtimi mund të dobësojnë sistemin mbrojtës, për shembull ACTH, Steroidet dhe terapitë imunitare, ndërsa në një masë të papërfillshme edhe Phenytoin, Phenobarbital ose Primidon (Mysoline®).
Zjarrmia mund të shkaktojë kriza epileptike. Përpos kësaj, shkaktarë të tjerë të mundshëm janë edhe stresi, ankthet ose gjumi i keq për shkak të situatës aktuale, pastaj të ushqyerit dhe pirja e parregullt ose marrja e parregullt e medikamenteve (p.sh. për shkak të vjelljes).
Sipas informacioneve të gjertanishme nga vendet e goditura më shumë, rreziku për kriza plotësuese, për shkak të Covid-19, për shumicën e të prekurve nga epilepsia është shumë i ulët.
Në një rast të tillë thërrisni mjekun tuaj familjar si dhe neurologun që merret me trajtimin tuaj dhe ndiqni udhëzimet e tyre. Ndoshta është me vend që në këtë rast të keni si rezervë një medikament emergjent.
Në rast se një krizë ngërçi epileptik zgjat më shumë se 3 minuta, dhe nuk e keni gati një medikament emergjent, ose ai nuk ndihmon dot: i godituri duhet mbrojtur nga lëndimet dhe duhet thirrur 144.
Hë për hë institucionet shëndetësore duhet të heqin dorë nga ndërhyrjet dhe trajtimet që mund të shtyhen për më vonë. Përpos kësaj, sallat e pritjes paraqesin rrezik të shtuar infektimi.
Nëse paraqitet një nevojë urgjente, duhet të jetë i mundshëm një këshillim telefonik. Përndryshe, vizita mund të rivendoset në një afat tjetër kohor.
Deri më tani nuk janë të njohura vështirësi në shpërndarjen e tyre. Për shkaqe sigurie, të gjitha medikamentet me detyrim përshkrimi mjekësor hë për hë janë të racionuara.
Të sëmurët kronikë, siç janë edhe të prekurit nga epilepsia, mund të mbulojnë nevojat e tyre maksimalisht për dy muaj.
Ne rekomandojmë një rezervë të vogël personale – kujdesuni me kohë përmes telefonit për një recetë të re mjekësore.
Autor: Stephan Rüegg
aktualizimi i fundit i kësaj faqeje: 29.10.2020
Kontakt für Medien:
Julia Franke, , Tel. 043 477 07 06
Newsletter abonnieren
Hulumton – ndihmon – informon
Epilepsia mund të prekë këdo.
Lidhja e epilepsisë – shumëfish aktive
Lidhja zvicerane e epilepsisë hulumton, ndihmon dhe informon që nga viti 1931. Qëllimi i saj është përmirësimi i qëndrueshëm i përditshmërisë dhe gjendjes së të prekurve nga epilepsia në shoqërinë zvicerane.
Hulumtimi
Ajo nxit zhvillimin e mëtejshëm të shkencës në të gjitha fushat e epilepsisë.
Ndihma
Informacione dhe këshillime në gjermanisht, anglisht dhe frëngjisht:
• për të prekurit dhe familjarët
• për specialistët e fushave nga më të ndryshmet
Informimi
Lidhja e epilepsisë informon dhe sensibilizon opinionin publik si dhe mbështet integrimin social të individëve të prekur nga epilepsia.
Lidhja zvicerane e epilepsisë është një organizatë profesionale aktive në gjithë Zvicrën dhe njëkohësisht ajo është dhe seksioni zviceran i Lidhjes ndërkombëtare të epilepsisë (International League Against Epilepsy ILAE).
Seefeldstr. 84 | 8008 Zürich | Schweiz | +41 (0)43 488 67 77 |
© 2026 | Hinweise/Disclaimer | Datenschutz | Impressum
